…Ofesi Ya Kazembe wa Dziko la China Lapereka Matumba a Ufa 1,320 Kwa Maanja Okhudzidwa ndi Njala

Ofesi ya Kazembe wa Dziko la China kuno ku Malawi Lachinayi (pa 7 November, 2024) lapereka matumba a ufa 1,320 [lililonse lolemera makilogalamu 25] a ndalama zokwana K42.8 miliyoni ku maanja omwe akhudzidwa ndi njala mmudzi mwa Sonkhwe, m’dera la Mfumu Yaikulu Kalumbu m’boma la Lilongwe.

Poyankhula pomwe amalandira thandizoli mmalo mwa Boma la Malawi, Mlembi wamkulu ku Nthambi Yoona za Ngozi Zogwa Mwadzidzidzi M’busa Charles Kalemba anati thandizoli lawonetseratu kuti dziko la China ndi limodzi mwa abwenzi enieni a dziko la Malawi.

“Bwenzi lenileni siliwoneka pachisangalaro pokha, koma pamavuto. Thandizoli ladza pomwe Boma la China posachedwapa lapereka matumba 36,600 a mpunga kuti athandize pa ntchito yofikira anthu 5.7 miliyoni okhudzidwa ndi njala. Tikulumikizananso ndi China mwakuya kuti tilimbikitse ntchito za ulimi wa nthilira ndikuphwanya goli la njala. Ngati dziko, tikuyenera kuchitapo kanthu, sitingamangolandira chithandizo, tikuyenera kukhala odzidalira pa chakudya chifukwa zonse zodziyenereza kutero monga nyanja ndi mitsinje tili nazo,” anatero a Kalemba.

Mmawu ake, mmodzi mwa akuluakulu ku Ofesi ya Kazembe wa dziko la China kuno ku Malawi a Wang Hao anati saakanamangoyang’ana anzawo akufunika thandizo.

“Ifenso ndiwokhudzidwa ndipo tikumva nawo kuwawa polingalira za vuto la njala lomwe lakhudza dziko la Malawi. N’chifukwa chake taikapo mtima kuthandiza ndi kangachepe. Tionetsetsanso kuti tikugwira ntchito limodzi kuti tipititse patsogolo miyoyo ya anthu a maiko awiriwa,” anatero a Hao.

Having successfully held a forum on Climate Disaster Risk Financing (CDRFI) and Insurance in Blantyre from 29th to 31st October, delegates drawn from 24 African countries visited Mulanje District where they interacted with communities and appreciated progress on the implementation of climate smart public works programme, construction of an emergency operation centre and the implementation of the 2024 Lean Season Food Insecurity Response Programme (LS-FIRP).

Under this year’s LS-FIRP, Mulanje is one of the districts benefiting from the African Development Bank’s African Risk Capacity Insurance programme following a drought experience which triggered an insurance payment of US$11.2 million.

The forum aimed at exploring ways to strengthen Africa’s resilience to climate-related disasters through innovative risk financing and insurance mechanisms.

Department of Disaster Management Affairs’ Public Relations Section captured some highlights of the delegates’ visit.

…Boma La India Lapereka Matumba 22,000 a Mpunga; Othandizira Okhudzidwa ndi Njala

Boma la India lapereka ma tani 1,100 (omwe ndi matumba 22,000 olemera makilogilamu 50 lililonse) a mpunga ku Boma la Malawi kuti athandizire pa ntchito yofikira anthu omwe ali pachiopsezo cha njala.

Poyankhula Lachitatu ku Kanengo mu Mzinda wa Lilongwe pa mwambo wopereka mpungawu, Kazembe wa Boma la India ku Malawi Shri S. Gopalakrishnan anati ubale wa maiko a India ndi Malawi si wa lero kotero saakanangoyang’ana kumbali pomwe mzika zake zikufunika thandizo.

“Ubale wa anthu a maiko awiriwa unayamba zaka 140 zapitazo pomwe ubale wa ukazembe unayamba mu 1964. Nde titamva kuti mtsogoleri wa dziko lino [ Dr Lazarus Chakwera ] walengeza kuti dziko lino ndi malo a ngozi ndipo likufunika thandizo, tinachiwona chanzeru kuti tithandize achimwene ndi achemwali athu omwe akukhudzidwa ndi vuto la njala,” anatero a Gopalakrishnan.

Mmau ake, Mlembi Wamkulu ku Nthambi Yoona za Ngozi Zogwa Mwadzidzidzi M’busa Charles Kalemba anathokoza boma la India mmalo mwa Boma la Malawi chifukwa cha thandizoli.

“Mpunga wonse wafika ndipo tayamba kale kugawa kwa anthu okhudzidwa. Tayambanso kugawa chimanga ndi thandizo lina m’maboma omwe akuyenera kulandira thandizo kwa miyezi isanu [5], inayi [4] komanso itatu pansi pa ndondomeko ya 2024/25 lean season response," anatero a Kalemba.