Boma kudzera ku Nthambi Yoona za Ngozi Zogwa Mwadzidzidzi Loweruka (pa 21 September) yakhazikitsa ntchito yopereka thandizo ku maanja okhudzidwa ndi njala m'boma la Chikwawa. Nduna Yoona za Madzi ndi Ukhondo a Abida Mia ndi omwe anatsogolera mwambowu womwe unachitikira m'dera la Mfumu Yaikulu Kasisi.

M'boma la Mwanza, mwambo ngati womwewu unachitikira Lachisanu (pa 20 September) kwa Mfumu Yaikulu Nthache motsogozedwa ndi Wachiwiri kwa Nduna Yoona za Maboma Aang'ono a Owen Chomanika.